АТГТГ-аас шатахууны үнийн асуудлаар мэдээлэл хийлээ.
АТГТГ-ын дэд дарга Ц.Эрдэнэбаяр: Засгийн газрын тогтоолд гадаад зах зээл дээрх газрын тосны үнэ буурсантай холбоогоор бүх төрлийн шатахууны үнийг 300-400 төгрөгөөр буулгах, цаашид үнийг урт хугацаанд тогтвортой байлгахаар заасан. Уг тогтоолын хүрээнд АИ-92 авто бензинийг найман сарын хугацаанд тогтвортой байлгах ажлыг хийж байгаа. Улаанбаатар хотод 1320-1400 төгрөгийн хооронд АИ-92 авто бензин борлуулагдана. Өчигдрөөс эхлэн авто бензин, дизелийн түлшний жижиглэнгийн үнэ бууж эхэлсэн. Өнөөдрөөс жигдэрнэ.
Дэлхийн зах зээлд газрын тосны үнэ сүүлийн гурван сарын хугацаанд буурч байна. Гэхдээ сүүлийн долоо хоногт түүхий тосны үнэ эргээд өсөж байна. Харин манайд шатахууны үнэ буурч байна. Олон улсын зах зээлийн үнэ сарын дараа манай улсын шатахууны үнэд нөлөөлж эхэлдэг.
- А-80 50 төгрөгөөр,
- А-92 80-100 төгрөгөөр,
- А-95 200 төгрөгөөр,
- Дизель түлшний үнэ литр тутамд 180 төгрөгөөр тус тус буурчээ.
Ингэснээр нийслэлд,
- А-80 авто бензин 1350,
- А-92 авто бензин 1360,
- А-95 авто бензин 1800
- Дизель түлшний дундаж үнэ 1990 төгрөг болсон гэв.