Орчин үеийн хотжилтын сөрөг нөлөөний нэг бол таргалалт юм. Эмэгтэйчүүд гэлтгүй эрчүүд, өсвөр насны хүүхдүүд таргалалтад ихээр өртөж байна. Жин ихтэй хүмүүс фитнесс, аэробик, мацаг барих, хоол сойх, гэдэс цэвэрлэх гэх мэт түмэн янзын арга хэрэглэдэг ч тухайн үедээ турж байгаа мэт боловч буцаад жин нэмээд эхэлдэг. Жингийн илүүдэл бол зүрх судас, үе мөч зэрэг маш олон өвчний эхлэл болдог. Тэгвэл “Tenger bella beauty” гоо сайхны салон үйлчлүүлэгчдэдээ тураад, эрүүлжих үйлчилгээг үзүүлж байна. Хамгийн сонирхолтой нь “Tenger bella beauty”-д очсон бол та турна, эрүүлжинэ, дахиж таргалдаггүй гэнэ.
“Tenger bella beauty” гоо сайхны салоны эрхлэгч М.Отгонцэцэгтэй ярилцлаа.
-“Яаж турах вэ” гэсэн бодол бараг эмэгтэй хүн бүрт байдаг. Та тэдэнд ямар зөвлөгөө өгөх вэ?
-Турах нь нэг талаараа хүний гоо сайхан боловч нөгөө талаар эрүүл мэндтэй шууд холбоотой болохоор эмзэг, чухал байдаг. Хүмүүс таргалалтаас урьдчилан сэргийлэх талаар мэдлэг хомс, хувь хүний хичээл зүтгэл ч тааруу байдаг. Хамгийн багадаа л гэхэд таван жил тарган явсан хүн манайхаар үйлчлүүлдэг. Гэтэл тэд маань 10 хоногийн дотор турааж өгөхийг хүсдэг. Турахад тодорхой хэмжээний цаг хугацаа хэрэгтэй. Тууштай системтэй курсээр явж байж үр дүнд хүрдэг.
-Танай “Tenger bella beauty” салоны эрүүлжүүлж тураах үйлчилгээг хүмүүс их сонирхдог. Энэ талаар дэлгэрэнгүй мэдээлэл өгөөч?
-Нэгэнт өөрийн байх хэмжээнээсээ жин нь хэтэрсэн бол жингээ зайлшгүй хасах хэрэгтэй. Ингэхээр турах, эрүүл байх гэдэг бол нэг зоосны хоёр тал юм. Жингээ хасах хүсэлтэй хүмүүс аль болох эрүүлээр турах аргыг сонгох хэрэгтэй. Манай салон жингийн илүүдэлтэй хүмүүст зориулан эрүүлээр турах үйлчилгээг үзүүлээд багагүй хугацаа өнгөрч байна.
Эрүүлээр турахын тулд заавал дотор өөхөө хайлуулах ёстой. Дотор өөхөө хайлуулж, целлюлитаа арилгахгүйгээр турах тухай бодохын хэрэгггүй. Дотор өөх хайлж, целлюлит задарсан тохиолдолд эргэж таргалахгүй. Тиймээс бид хамгийн эхэнд дотор өөх хайлуулж, целлюлит задлах үйлчилгээ үзүүлдэг. Бид үйлчилгээндээ өгдөг амлалт бол эрүүлжиж, эргэж таргалахгүйгээр тураана гэдэг. Ер нь бол хуян, шар усаа тарааж, массажинд орж, алжаалаа тайлж амрах байдлаар тун таатай эрүүлээр турна гэсэн үг.
-Хамгийн сүүлийн үеийн турааж, эрүүлжүүлэх аппарат хэрэглэдэг гэсэн. Энэ талаараа танилцуулаач…
-Солонгосын бүтээгдэхүүн. Аппаратнаас гадна хэрэглэх бүхий л бүтээгдэхүүнээ Солонгосоос оруулж ирдэг. Энэхүү халуун аппарат маань тураана гэхээс илүүтэй эрүүл мэндэд олон талын ач холбогдолтой. Тухайлбал, биеийн бүх төрлийн өвдөлтийг намдаана. Ялангуяа нурууний өвчинг маш түргэн эмчилдэг. Цусан дахь дархлааны эсийн хөдөлгөөнийг идэвхжүүлдэг. Арьс тайвшируулна. Биеийн энергийг нэмэгдүүлнэ. Биеийн ерөнхий эсэргүүцэл сайжирна. Эмэгтэйчүүдийн сав бөөрний хүйтэн хийг гадагшлуулдаг гээд эрүүл мэндийн маш олон үйлчилгээ үзүүлдэг.
Бид тураах, эрүүлжүүлэх цогц үйлчилгээ үзүүлдэг гээд байгаа маань учиртай. Турж, эрүүлжих зорилготой манайхыг зорин ирж байгаа хүмүүстээ бид эхний ээлжид өөх хайлуулах аппаратад оруулдаг. Хүний биеийн дотор өөх 41 хэмд хайлдаг. Өөх хайлуулах аппарат маань цахилгаан ион гүйдлээр 41-ээс дээш хэмийн дулаан үүсгэн өөх хайлуулан таргалалтыг арилган, булчингийн үйл ажиллагааг сайжруулах үйлчилгээ үзүүлдэг. Хүний биеийг дөрвөн хэсэг гэж авч үзээд тус бүрт нь аппаратны үзүүлэх ач холбогдлыг тайлбарлая.
1. Ар нуруу, ар талын хэсэг-Стрессээс үүдэлтэй хөшилтийг багасгана. Булчинг тайвшруулж, мэдрэлийн үйл ажиллагааг сайжируулна.
2. Цээжний хэсэг-Цусны эргэлтийг сайжруулж, гормоны ялгарлыг нэмэгдүүлнэ.
3.Биеийн доод хэсэг-Хүн хөгшрөх тусам хөлөнд өөрчлөлт ордог. Түүнээс сэргийлж, шөрмөсний үйл ажиллагааг сайжруулна, булчин тайвширна. Ингэсээр дасгал хөдөлгөөнөөр хайлдаггүй хөлний илүүдэл өөх хайлна.
4. Гэдэсний хэсэг-Цусны эргэлтийг хурдасгаж, бодисын солилцоог дэмжинэ. Хоолны дуршил буурч, дотор өөхийг задална.
-Целлюлитийг арилгахгүйгээр турах тухай ярилтгүй гэж та түрүүн хэлсэн. Целлюлит бол чулуужиж хатуужсан өөх, эд эс. Энэ бүрэн арилах уу?
-Манай аппаратны тусламжтайгаар үйлчлүүлэгчид маань целлюлитээсээ бүрэн салж чадаж байгаа. Тураан эрүүлжүүлэх аппарат нь автомат соролттой бумбаны тусламжтайгаар өөхжиж хатуурсэн эд, эсийг задалж, тунгалгийн урсгалыг чөлөөтэй урсахад нь дэмждэг. Улмаар бие дэх хор, өөхөн эдийн хуримтлуулсан илүүдэл ус, шингэнийг гадагшлуулна. Ингэснээр эд эсийн хөдөлгөөн сэргэн, цусны эргэлт сайжирдаг. Дараа арьс чангалах аппаратад ордог. Ингэсэээр гуя, гэдэс, нурууны хэсэгт өөр өөр давтамжтай тусгай соролтын хэмнэлтэй холбосон бумбуудаар арьсыг чангалж, хуян, хаван, шар усыг биеэс хөөнө. Үр дүнд нь бие маш сайхан тайвширдаг.
Дээрх аппаратуудын тусламжтай шингэрч задарсан өөхний 70 хувийг хөлсөөр гадагшлуулдаг. Үүний тулд тураах хуурай болон уурын саунд ордог гэсэн үг. Энэ нь арьсыг зөөллөж, биеийн хорт бодисыг хөөн, илүүдэл хийг гадагшлуулдаг үйлчилгээтэй.
Манайх мөн детокс массаж хийдэг. Энэ нь биед хуримтлагдсан хорт бодис, илүүдэл ус, хаванг гадагшлууж, бодисын солилцоог эрчимжүүлнэ. Мөн биеийг амраан тайвшруулж, хуян шар ус тараана, целлюлит арилгана. “Tenger bella beauty” салонд хэрэглэж байгаа аппаратуудад тусгайлан зориулагдсан дээд зэргийн чанартай тосыг бид Солонгосоос захиалж авч хэрэглэдэг. Арьс арчилгааны гель нь богино хугацаанд турсан арьсыг эрчимтэй чангалж өгдөг.
-Нэг курс эмчилгээний дараа хэдий хэмжээний жин хаядаг вэ?
-Арав хоногийн курс эмчилгээний үр дүнд 2-8 кг турдаг. Мөн тухайн хүний биеийн онцлог, жингээс хамаарна. Эхний шатны 10 хоногийн эмчилгээгээр өөх тосоо хайлуулж, целлюлитээ задалбал цаашдаа турахад тун хялбар болно. Мөн тойргоороо маш сайн галбиржиж турдаг.
-Нэг удаа энэ үйлчилгээнд ороход хэдий хэр хугацаа шаардах бол…
-Хүн өөрийнхөө эрүүл мэнд, гоо сайхны төлөө цаг гаргах ёстой. Эрүүлжүүлж тураах аппаратад орох бол 10 хоног буюу нэг курс заавал явж байж үр дүнгээ үзнэ. Тухайн хүний биеэс шалтгаалж хэдэн хэдэн курс явах нь ч бий. Нэг удаагийн үйлчилгээ нь гэвэл 1-2 цаг үргэлжилнэ.
-Тураах аппаратад орох хүмүүст хориглох заалт бий юү?
-Нуруундаа төмөр суулгацтай, зүрхний эмчийн хяналтад байдаг, хавдартай болон жирэмсэн хүмүүс тураах аппаратад орох хориотой. Мөн эмэгтэйчүүдийн хувьд сарын тэмдэг ирсэн үед орж болохгүй. Манай аппарат Солонгосын турмалин чулуугаар эрүүлжүүлэх үйлчилгээ үзүүлдэг. Турмалин чулуу тураахаас гадна хүний биед хуримтлагдсан хорыг гадагшлуулж, эрүүлжүүлэхэд маш чухал үүрэг гүйцэтгэдэг. Төрсний дараа тураах аппаратад орвол энгийн үед орсоноос илүү үр дүнтэй. Учир нь төрсний дараа хүний бие организм шинээр төлжих үйл явц явагдаж байдаг. Төрөөд зургаан сарын дараа тураах аппаратад орж болдог. Мөн өсвөр насны хүүхдүүдэд илүү үр дүнтэй нь ажиглагдсан.
-Дуучин Т.Ариунаа танай салоноор үйлчлүүлдэг талаараа LIVE хийж байсан. Хамтарч ажиллаад удаж байна уу?
-Дуучин Т.Ариунаа эгчтэйгээ “Тэнгэр шиг бай” тоглолтод хамтран ажилласан. Мундаг, хөдөлмөрч дуучинтай хамтран ажиллах болсондоо манай хамт олон баяртай байдаг. Манай салоны зорилго бол “Нүдэнд харагдах үр дүн” юм. Т.Ариунаа эгч маань одоо хүссэн үр дүндээ хүрсэн, сэтгэл хангалуун байгаа.
Харилцах утас-80660000
Facebook: TengerBellabeauty