Улсын дээд шүүхийн Ерөнхий шүүгч Хөхийсүрэнгийн Батсүрэн чөлөөлөгдөх хүсэлтээ гаргасан тул Монгол Улсын Ерөнхийлөгч Х.Баттулга өчигдөр /2020.05.20/ зарлиг гаргаж Х.Батсүрэнг Улсын дээд шүүхийн Ерөнхий шүүгчийн албан тушаалаас нь чөлөөлжээ.
Тэрбээр жилийн өмнө буюу 2019 оны тавдугаар сарын 9-нд дээрх албан тушаалд томилогдож байсан юм. Шүүгчийн эрх зүйн байдлын тухай хуульд Улсын дээд шүүхийн Ерөнхий шүүгчийг зургаан жилийн хугацаатай томилдог. Гэвч нэг жилийн дараа чөлөөлөгдсөн нь олны анхаарлыг татаад байна. Ерөнхийлөгч Х.Батсүрэнг чөлөөлсөн үндэслэлдээ өөрийнх нь хүсэлтийг харгалзан үзэж, Улсын дээд шүүхийн Ерөнхий шүүгчийн албан тушаалаас чөлөөлсөн гэж тодотгожээ.