ЗӨСҮТ-ийн мэдээлснээр, “COVID-19” халдварын тархалт өндөр байгаа бүс нутгаас ирж буй иргэдийн ачаа тээш, түүнийг тээвэрлэн ирсэн онгоц, галт тэрэг, автомашин бусад ачаагаар дамжин халдвар олон нийтийн дунд тархах эрсдэлээс сэргийлэх чиглэлээр эцсийн халдваргүйтгэл хийжээ. Өнгөрсөн хугацаанд тус төвийн Шуурхай арга хэмжээний баг 172 удаагийн дуудлагаар үйлчилж иргэдийн 7500 гаруй ачаа, 277.5 тонн карго ачаа, 96 агаарын хөлөг, 250 гаруй тээврийн хэрэгсэл, галт тэрэг, 34 тусгаарлах байранд эцсийн халдваргүйтгэл хийсэн байна. Мөн сүүлийн 14 хоногт тусгай үүргийн найман онгоц, карго ачаа тээвэрлэсэн 20 онгоц, тээврийн 67 хэрэгсэл, хоёр галт тэрэг, долоон тусгаарлах байрыг халдваргүйтгэжээ.