Хүчтэй салхи, шуурга болох цаг агаарын аюултай үзэгдлийн болзошгүй эрсдэлээс сэргийлж зүүн чиглэлийн замын хөдөлгөөнийг тодорхойгүй хугацаагаар хязгаарлаад байна.
Гамшгаас урьдчилан сэргийлэх зорилгоор Хэнтий аймгийн Онцгой комисс хуралдаж аймгийн Засаг даргын захирамж гарч зүүн чиглэлийн замын хөдөлгөөнийг хязгаарлан цагдаагийн байгууллагаас хяналт тавин ажиллаж байна.
Өнөөдөр Хэнтий, Сүхбаатар, Говьсүмбэр, Дорноговь, Дундговийн нутгаар салхи секундэд 26-28 метр, зарим үед секундэд 34 метр хүртэл ширүүсэж хүчтэй шороон шуурга, Сэлэнгийн зүүн, Төв, Хэнтий аймгийн хойд хэсгээр хүчтэй цасан шуурга шуурна гэж Цаг уур, орчны шинжилгээний газраас сэрэмжлүүлж байна.