Монгол Улсын хэмжээнд бүртгэгдэж буй COVID-19 халдварын сэжигтэй тохиолдлуудад ХӨСҮТ дангаараа шинжилгээ хийж байсан бол Дархан-Уул аймагт мөн коронавирусийн шинжилгээ, оношилгоог хийх боломжтой болжээ.
Ажилтнуудыг сургаж, оношлуурыг хуваарилснаар хойд хилээр орж буй сэжигтэй тохиолдлуудад шинжилгээ хийж, ХӨСҮТ-ийн ачааллыг хуваалцах, цаг хугацаа хэмнэх зэрэг давуу талыг бий болгож байгаа юм.
Мөн Ховд, Дорнод аймгийн лабораторийг ХӨСҮТ-ийн Төв лабораторитой адил хүчин чадалтайгаар зохион байгуулахаар бэлдэж байгаа аж.