ГХЯ-ны Консулын газрын дарга Л.Мөнхтүшиг, “Монгол Улсын иргэн Үндсэн хуулиараа эх орондоо ирэх эрхтэй. Энэ эрхийг юугаар ч хорьж болохгүй. Үндсэн хуулиар олгосон тэр эрхийг нь эдлүүлэхээр Улсын Онцгой комиссоос шийдвэрлэсэн. Гэхдээ мэдээж иргэдээ татан авах ажиллагааг зохион байгуулахад шинэ коронавирусийн халдвар зөөвөрлөгдөн орж ирэх эрсдлийг хамгийн доод түвшинд байлгах арга хэмжээг төрийн бүх байгууллага хамтраад авч байна.
Иргэдээ татан авах ажиллагааг яриахаас өмнө бид Сөүл, Токио, Берлин, Истанбул, Москва гээд бүхий л чиглэлээр ЭСЯ-даараа дамжуулан мэдээллийг тодруулж авсан. Эрүүл хүнээс коронавирусийн шинжилгээг авах боломжгүй гэдгээ илэрхийлсэн.
Сүүлийн 14 хоногт шинж тэмдэг илэрсэн эсэхийг асуумжаар лавлаж, хэрэв мэдээллээ санаатай нуун дарагдуулаад зөөвөрлөж орж ирээд халдаавал Эрүүгийн хуулийн дагуу хариуцлага тооцохоо мэдэгдэж, иргэн бүрээс гарын үсэг авч байгаа. Ирэнгүүт нь 14 хоног тусгаарлана. Эхний нислэгээр ирэх өндөр настай, хүүхэд, жирэмсэн эмэгтэй зэрэг хүмүүсийг нарийвчлан ангилсан. Энэ хүмүүсийг ялгавартай буюу хаана тусгаарлахыг нарийвчлан шийднэ” гэлээ.