ХӨСҮТ-д тусгаарлагдан хяналтад ороод байсан 31 оюутан, нэг хүүхэд өнөөдөр эмнэлгээс гарлаа.
Шинэ коронавирус илрээд буй БНХАУ-ын Ухань хотод суралцаж байсан Монголын 31 оюутан, нэг хүүхдийг хоёрдугаар сарын 1-нд Улаанбаатар хотод агаарын тээврээр авчирч ХӨСҮТ-д 14 хоног тусгаарлан, хяналтад аваад байсан билээ. Тэднийг хоёр удаагийн лабораторийн шинжилгээнд хамруулахад хариу нь сөрөг гарсан байдаг. Ямар нэг зовуурь илрээгүй учир өнөөдөр эмнэлгээс гаргаж байгаа аж.