Өнгөрсөн амралтын
өдрүүдэд “Өдрийн сонин”-ы
нэрт сэтгүүлч, Хөдөлмөрийн
гавьяаны улаан тугийн одонт,
хүндийн өргөлтийн спортын
мастер Жамбалын Гангаа
агсны нэрэмжит “Идэр ес-Залуу
нас” спортын тэмцээн болж
өнгөрлөө. Тус тэмцээн Төв
аймгийн Цээл сумын Ерөнхий
боловсролын сургуулийн
төгсөгчдийн дунд уламжлал
болгон зохиогддог бөгөөд
энэ удаагийн тэмцээнийг Төв
аймгийн Цээл сумын ЕБС-ийн
1990 оны 13 дахь төгсөлт
зохион байгуулж юм. Энэ
талаар тэмцээнийг зохион
байгуулагч ангийн төгсөгч
Ш.Отгондалай “Багшийнхаа
нэрэмжит тэмцээнийг
зохион байгуулж байгаадаа
баяртай байна. Ж.Гангаа
агсан биднийг наймдугаар
анги төгсгөсөн ачит багш
минь. Энэ хугацаанд олон
сайхан шавь нарыг төрүүлсэн
дээ. Спортод хүүхдүүдийг
дуртай болгож байсан. Тэр
чинээгээрээ хүүхдүүдийн
төлөвшил, хүмүүжилд
асар том нөлөө үзүүлсэн.
Ж.Гангаа багшийн нэрэмжит
тэмцээн гэдэг утгаараа энэ
жил тэмцээний хамрах хүрээ
өргөн байлаа. Энэ удаагийн
тэмцээнд 150 гаруй тамирчин
ирж оролцлоо. Түүнчлэн 200
орчим хөгжөөн дэмжигчид
ирж үзэж сонирхлоо” гэв.
Б.ТҮВШИН