Испаний Барселона клуб ахлах дасгалжуулагч Эрнесто Вальвердег халж буйгаа өчигдөр зарлаад байсан билээ. Эрнесто Вальверде Барселона клубыг хоёр жил гаруй хугацаанд удирдахдаа 145 тоглолтыг хийж, 97 тоглолтонд хожин, 32 тэнцэн, 16 удаа хожигдсон юм. Тэрээр Барселонагийн дасгалжуулагчийн хувиар Ла лигт хоёр удаа, Копа Дел Рей болон Испаний Супер цомд тус бүр нэг удаа түрүүлсэн. Гэвч энэ улирлыг сайнгүй үргэлжлүүлж буй нь түүнийг халах шалтаг болсон юм.
Барселона клубын шинэ дасгалжуулагчаар томилогдсон Кике Сетиен хоёр жилийн гэрээг багтайгаа үзэглээд байна. Тэрээр Барселонагийн түүхэн дэх 60 дахь дасгалжуулагч болж буй юм. Кике Сетиен 2018 оны 11-р сард Реал Бетисийг удирдан Барселонаг Камп Ноуд хожсон бөгөөд тэрээр Барселонагийн талбайд ялалт байгуулсан хамгийн сүүлийн дасгалжуулагч болоод буй билээ.
У.ЧИНЗОРИГ