БНХАУ-ын нийслэл Бээжин хотноо их хэмжээний цас орсны улмаас “Нийслэл” олон улсын нисэх буудал дээр 42 нислэг цуцлагджээ. Мөн авто зам мөстөж, халтиргаа үүссэнтэй холбогдуулан автобусны 17 чиглэлийг өөрчилж, заримыг нь зогсоосон талаар “Beijing Daily” сонинд мэдээлэв. Цас орсноос гадна өтгөн манан бүрхсэн нь нөхцөл байдлыг улам хүндрүүлээд байна. Цаг уурын үзэгдэлтэй холбоотойгоор Бээжин хотноо байгалийн аюулын “хөх” түвшин зарлажээ. Зарим бүс нутагт хур тунадас 10 мм хүрч болзошгүй гэж цаг уурчид сэрэмжлүүлжээ.