Өнөөдөр Архангай аймгийн Цэнхэр сумын иргэдийн төлөөлөгчид мэдээлэл хийлээ.
Архангай аймгийнЦэнхэр сумын иргэд Монгол Улсын Засгийн газарт уул уурхайн компанийн хууль бус үйл ажиллагаатай холбоотой асуудлаар зургаа дахьудаагаа шаардлага хүргүүлж байгаа гэнэ.
“БНМС” ХХК нутгийн иргэдээс арьс, нэхий эдлэлийн тоног төхөөрөмж оруулж ирнэ гэх нэрийдлээр гарын үсэг цуглуулжээ. Түүнийгээ тухайн газар нутагт үйл ажиллагаа явуулахыг дэмжсэн гарын үсэг хэмээн хэлээд үйл ажиллагаа явуулах эрх авсан байна. Энэ талаар Архангай аймгийнЦэнхэр сумын иргэдийн төлөөлөгч, орхон голын байгаль орчны зөвлөх, экологич Д.Туяа: Байгаль орчныг сүйтгэж байгаа асуудалтай холбоотойгоор удаа дараа гомдол гаргаж байгаа ч энэ асуудлыг шийдэж өгдөггүй. Үйл ажиллагаа явуулж буй компаниуд усны тоолуур тавьдаггүй.Энэ нь татвараас зайлсхийж байна гэсэн үг ба усыг хайр гамгүй ашиглаж байгаль орчныг хохироож байгаа хэрэг. Мөн голын эргээс 50 метрийн зайд үйл ажиллагаа явуулах байтал 19 метрийн зайд үйл ажиллагаа явуулдаг.
УИХ гишүүнБоловсрол Соёл Шинжлэх Ухааны сайд Ё.Баатарбилэг гэх хүний хамаарал бүхий компани гэж нутгийн иргэд мэдээлж байна. Учир нь Ё.Баатарбилэг сайд нутгийн иргэдтэй уулзалт хийнэ гэж ирээд “БНМС” ХХК-ийн төлөөлөгч, тогооч нарыг дайлж цайлсан байна” гэсэн юм.
М.Болор-Оюун