Сайжруулсан түлш хэрэглэсний улмаас сүүлийн хоёр өдөрт 16 иргэн угаартаж, дөрөв нь нас барсан тухай мэдээллийг энэ сарын тавны өдөр Эрүүл мэндийн яамнаас мэдээлсэн. Сайжруулсан түлшинд угаартсан иргэд Цэргийн госпиталийн Хордлого тайлах төвд эмчлүүлж байгаа бол хүүхдүүдийг Эх, хүүхдийн эрүүл мэндийн үндэсний төвд эмчилж байгаа юм байна. Хүүхдүүдээс 15 настай нэг хүүхдийн биеийн байдал хүнд байгаа ажээ. Сайжруулсан түлшинд иргэд угаартсантай холбоотойгоор Эрүүл мэндийн яамнаас өнөөдөр мэдээлэл хийнэ.