УИХ-аар Үндсэн хуульд оруулах нэмэлт, өөрчлөлтийн тухай хуулийн төслийг хэлэлцэж байгаатай холбогдуулан хуульчид жагсаал хийхээр болжээ. Жагсаал наймдугаар сарын 21-ны өдөр 12:00-15:00 цагийн хооронд Хууль зүйн үндэсний хүрээлэнгийн гаднах Хуульчдын талбайд болно.
“Хуульчдын нийгэмлэг” ТББ-аас зохион байгуулж буй тус жагсаалын зорилго олон нийтэд Үндсэн хуулийн ач холбогдлыг ойлгуулан таниулах, иргэдийн оролцоог нэмэгдүүлж,анхаарлыг Үндсэн хуулийн өөрчлөлтөд хандуулахад чиглэжээ.
Жагсаал зохион байгуулагчдын хэлснээр, Үндсэн хуулийн өөрчлөлтөд тусгасан шүүх эрх мэдэлтэй холбоотой заалтууд маш эмзэг, хаашаа ч эргэж болзошгүй байгаа учир хууль, эрх зүйчид нэгдэн иргэдийг энэ чиглэлд анхаарлаа хандуулж, хяналт тавихыг уриалах аж.