Баянхонгор аймгийн Бууцагаан сумаас 0310/0032146 дугаар мал амьтны эрүүл мэндийн гарал үүслийн гэрчилгээтэй 470 толгой ямааг зориулалтын бус таван давхар бүхий хоорондын зай нь 52 см өндөртэй төмөр сараалжин төхөөрөмжид ачиж тээвэрлэн СХД-ийн 32 дугаар хороо, Дунфан интернэшнл трейд ХХК-ийн хашаанд ирсэн иргэн Б.А-д хяналт шалгалт хийлээ.
Шалгалтаар 470 ямаанаас 6 нь тээвэрлэлтийн горим зөрчсөний улмаас үхсэн байжээ. Мөн 45 ямаа дарагдаж тамиргүй болж босч чадахгүй байдалтай байсан. Үхсэн зургаан ямааг СХД-ийн мал эмнэлгийн тасгийн эрхлэгчийг байлцуулан шатааж булж устгах явцад хяналт тавьж ажиллалаа. Иргэн Б.А-д холбогдох зөрчлийг үндэслэн зөрчлийн хэрэг нээн үргэлжлүүлэн шалгаж байна.
