Төв аймгийн Баянчандмань суманд овооны наадмын үеэр өөрийн эзэмшлийн морь нь түрүүлээгүй гэх шалтгаанаар морь унаач хүүхдийг зодож танхайрчээ.
Тодруулбал, тус аймгийн наадамд морь унаж уралдсан 10 настай хүүг морины эзэн болох М нь “Миний морийг түрүүлгэсэнгүй” хэмээн зодож бага насны хүүхдийн эрүүл мэндэд санаатайгаар хүнд гэмтэл учруулж гарыг нь хугалж, толгой руу нь ташуурдан цохиж гэмтэл учруулсан байна.
Хүү аав ээжтэйгээ амьдардаг бөгөөд айлд хурдан морь унадаг байсан бөгөөд хүү морины эзнийхээс зугтааж, ээж аавтайгаа холбоо барьж дуудсан аж.
Одоогоор хүү ГССҮТ-д хэвтэн эмчлүүлж байна.