Өнгөрсөн амралтын өдрүүдэд Хэнтий аймгийн Хэрлэн сумын 1 дүгээр багийн “Хэрлэнгийн гүүр” гэдэг газар /сумын төвөөс урд зүгт 1 км-т/ дөрвөн хүн зугаалж явснаас нийслэлийн Хан-Уул дүүргийн харьяат Б /44 настай, эрэгтэй/ “Хэрлэн” голын усанд живсэн байна. Түүнийг эрэн хайх ажиллагаа үргэлжилж байна.
Мөн Хэнтий аймгийн Хэрлэн сумын 1 дүгээр багийн “Ногоо бригад” гэдэг газар /аймгаас урд зүгт 9 км-т/ тус сумын харьяат Б /48 настай, эрэгтэй/ өчигдөр ногоо усалдаг усалгааны системийн хоолойг “Хэрлэн” голын уснаас гаргах гэж байгаад унаж, живсэн харамсалтай хэрэг гарчээ. Онцгой байдлын аврагчид эрэн хайх ажиллагааг үргэлжлүүлсээр байна.