Монголын сагсан бөмбөгийн спортын мастер, шигшээ багийн тоглогч О.Дөлгөөн нь удаан хугацаанд өвчинтэйгээ тэмцсээр, долдугаар сарын 28-нд харамсалтайгаар хорвоог орхин одсон билээ.
О.Дөлгөөний биеийн байдал муудсан гэнэтийн мэдээ Монголын ард түмнийг нэгтгэж, “Pray4Dulguun” олон улсын хэмжээний хандивын аяныг өрнүүлсэн. Талийгаачийн эмчилгээнд нийтдээ 1.25 тэрбум төгрөг цугларсан байна. Эмчилгээнд зориулагдаагүй үлдсэн мөнгөөр ар гэрийнхэн нь сагсчин О.Дөлгөөний нэрэмжит спортын ордон байгуулахаар болжээ.