Өчигдөр буюу даваа гарагийн өглөө Бразилын Пара мужийн Альтамира хотын шоронд үймээн гарсны улмаас 57 хоригдол амиа алджээ. Амиа алдагсдын 16-гийнх нь толгойг авсан байсан бол 41 нь амьсгал нь боогдож амиа алдсан байна. Үймээн Командо Классе А болон Командо Вермело хар тамхины наймаа эрхэлдэг бүлэг хооронд дэгдсэн байна. Командо Классе А бүлгийн гишүүд нөгөө бүлгийн гишүүдийн хоригдож байсан хэсэгт гал тавьсан байна. Үүний улмаас хоригдлууд угаартаж амиа алджээ.
Орон нутгийн цагаар 07.00 цагт эхэлсэн үймээн үд хүртэл үргэлжилжээ. Үймээн дэгдээгчид шоронгийн хоёр харгалзагчийг барьцаанд авсан ч удалгүй сулласан байна. Олон цагийн турш хууль сахиулагчид үймээн дэгдсэн хорих газар нэвтэрч чадаагүй байна.
Тус хорих газар 200 хүний хүчин чадалтай хэдий ч тухайн үед 309 гэмт хэрэгтэн хоригдож байсан гэж хэвлэлүүд бичиж байна. энэ мэдээллийг гаа ч албаны эх сурвалжууд энэ мэдээллийг үгүйсгэжээ.
Бразилын Ерөнхийлөгч Жаир Болсонаро хориг газруудын хяналтыг чангатгаж, дахин шинээр барих амлалт өгчээ.