Одоо 13:00 цагаас Хүй долоон худагт Уяачдын наадам эхлэх гэж байгаа бөгөөд 1500 гаруй цагдаагийн алба хаагч үүрэг гүйцэтгэн ажиллаж байгаа аж. Цагдаагийн байгууллагаас эцэг эхчүүдэд бага насны хүүхэддээ анхаарал тавьж, голын ай сав газруудад амралт зугаалга төлөвлөсөн бол бага насны хүүхдээ голын усанд оруулахгүй байхыг анхааруулж байна. Мөн согтууруулах ундаа хэрэглэсэн үедээ голын ус руу орохгүй байхыг зөвлөж байна. Туул гол орчимд завьт болон морьт эргүүлүүд ажиллуулж буй бөгөөд иргэдэд эргүүлүүдийн зөвлөмж, зөвлөгөөг авахыг зөвлөв. Мөн хөл хөдөлгөөн ихтэй үед иргэдийг хулгайчаас сэрэмжлэхийг анхаарууллаа.