“Торгоны зам” авто раллид оролцогчид өнөөдөр Алтанбулаг боомтоор нэвтэрч, манай улсад уралдаанаа үргэлжлүүлж байна. 14:00 цагийн байдлаар 34 орны 729 зорчигч, 342 тээврийн хэрэгсэл манай улсад нэвтэрсэн байна. Мотоцикл, автомашинууд Сэлэнгэ аймгаас гарч Төв аймгийн нутагт бариандаа орохоор уралдаж байгаа юм. Гэтэл тэмцээний үеэр уралдааныг дагаж явсан хоёр автомашин Сэлэнгэ аймгийн Баруун хараа сумын нутаг байрлах хоёрын даваа гэх газрыг дайран өнгөрч байхдаа мөргөлджээ.
Ослын тухай тодруулбал, Мото ралли уралдааныг дагаж явсан зохион байгууллагчдын авто машин осол гаргасны улмаас хоёр хүн хүнд бэртэж, нэг эмэгтэй зорчигч газар дээрээ нас баржээ. Тус осолдсон автомашинууд нь монгол улсын дугаартай байсан бөгөөд нэг машин дотор /Тоёота Alpart маркийн/ тэмцээнийг зохион байгуулагч гэх Япон улсын таван иргэн, нөгөө автомашин /Тоёота Приус маркийн/-д манай улсын гурван иргэн зорчиж явсан талаар эх сурвалж мэдээлж байна. Ослын үеэр манай улсын хоёр иргэн хүнд бэртэл авч, нэг эмэгтэй зорчигч /манай улсын иргэн/ газар дээрээ нас баржээ. Яг одоо дээрх ослын газарт цагдаагийн байгууллагын алба хаагчид шуурхай ажиллаж байна.