Энэ оны дөрөвдүгээр сарын 23-ны өдрөөс эхлэн Улаанбаатар Смарт карт ХХК нь нийт 123’646’900 төгрөгний санхүүжилтээр нийтийн тээврийн үйл ажиллагаа явуулдаг 28 аж ахуйн нэгж байгууллагын 1226 автобусыг 100% камержуулан хүлээлгэн өглөө. Одоогоор нийт 80 орчим автобусны камерыг онлайн болон гар утаснаасаа бүрэн хянаж байгаа аж. Түүнчлэн бусад автобус баазуудын нийтийн тээврийн хэрэгслийн хяналтын камерыг онлайн болон гар утаснаасаа хянадаг болгох талаар ажиллаж байна. “Улаанбаатар Смарт карт ХХК ерөнхий менежэр” Ц. Түвшинжаргал: Энэхүү камерын хувьд багтаамжаасаа хамаараад хамгийн багадаа 15 хоног тухайн бичлэгийг хадгалах чадвартай. Мөн 550 цэг дээр борлуулагдаж байгаа 3600 төгрөгөөр зарагдажбуйU money картыг хямдруулах боломжгүй гэлээ. Нийтийн тээврийн хэрэгсэлд суурилуулсан хяналтыг камерыг ашиглах журмыг ЦЕГ-ын дэд бөгөөд Нийслэлийн цагдаагийн газрын дарга, цагдаагийн хурандаа Д.Ядамдорж, Нийслэлийн тээврийн газрын дарга Д.Отгонбаатар нарын 2019 оны тавдугаар сарын 31-ны өдөр баталж үйл ажиллагаандаа хэрэгжүүлэн хамтран ажиллаж байна.
М.Саруулдөл
Т.Лхамсүрэн