Нийслэлийн Хөдөлмөр эрхлэлтийн газраас төвийн зургаан дүүргийн хэмжээнд хүнсний ногоо тариалах ажлыг хэрэгжүүлж байна. Тус ажлын хүрээнд хөгжлийн бэрхшээлтэй иргэд, архины хамаарал бүхий тусгай төвийн төрийн бус байгууллагууд, хөдөлмөрлөх насны тодорхой эрхэлсэн ажилгүй нийт зургаан дүүргийн 780 иргэдийг бүлгийн зохион байгуулалтад оруулж, түр ажлын байраар ханган ажилуулж байна. Тавдугаар сарын 10-аас эхлэн нийт 52 га газар хөрс боловсруулалт хийж, хагалж, борнойдон тариалалтад бэлтгэсний 32 га газарт төмс, 10 га-д сонгино, таван га газарт шар манжин , таван га газарт лууван тарьжээ. Мөн 52 хүлэмжид өргөст хэмх, улаан лооль, амтат чинжүү зэргийг тариалан ажиллаж байгаа гэнэ.