“Ажилтай оюутан хөтөлбөр” өнөөдрөөс эхэлж байна. Уг хөтөлбөр оюутнуудыг зуны амралтаараа болон хичээлийнхээ хажуугаар хөдөлмөр эрхлэх боломжийг нэмэгдүүлэх зорилготой юм байна. Энэ хөтөлбөрт хамрагдсан оюутнуудын төлөөлөл болон ажил олгогч аж ахуйн нэгжүүдийн уулзалт өнөөдөр МҮХАҮТ-д зохион байгуулагджээ. Монгол Улсад 95 их, дээд сургуульд 150 мянга гаруй оюутан суралцаж байгаа гэх мэдээ байдаг. Тэгвэл оюутан залууст санхүүгийн хүндрэлтэй нөхцөл байдлаас гарахад нь туслах зорилгоор Монгол Улсын Ерөнхийлөгч “Ажилтай оюутан” хөтөлбөрийг санаачилжээ.