Нэр бүхий иргэн Үндсэн хуулийн цэцэд хандаж Ашигт малтмалын тухай хуулийн 47 дугаар зүйлийн 47.1, 47.3, 47.4 дэх хэсэг, 47.5.11, 47.5.12, 47.5.13 дахь заалтууд нь Үндсэн хуулийн үзэл баримтлалд нийцээгүй, иргэдэд дарамт учруулсан, нийгэм эдийн засгийн хөгжилд саад болсон, аж ахуйн нэгж байгууллагын үйл ажиллагааг хэвийн явуулах нөхцөлийг хаасан, давхар татвар ногдуулсан зохицуулалт болсон, улмаар Үндсэн хуулийн тавдугаар зүйлийн 4, Арван есдүгээр зүйлийн 1 дэх хэсгийг зөрчсөн байна гэсэн мэдээллийг ирүүлсэн байна. Уг мэдээллийн дагуу үүсгэсэн маргааныг хянан хэлэлцэх ҮХЦ-ийн дунд суудлын хуралдаан энэ сарын 28-ны өдрийн 9:30 цагаас Цэцийн хуралдааны танхимд нээлттэйгээр хийхээр товложээ.