Тахийн гүүг Ховдод аваачлаа

Бүгд Найрамдах Чех улсаас тахийн дөрвөн гүүг тээвэрлэн авчирсан цэргийн нисэх онгоц Ховд аймгийн Булган суманд очжээ. Зэрлэг тахийн сүргийг гадаадаас авчиран нутагшуулж байгаа ес дэх удаагийн тээвэр энэ ажээ. Европын амьтны хүрээлэнгүүдээс Монгол Улсад сэргээн нутагшуулахаар тээвэрлэн ирсэн тахийн тоо нийтдээ 35 болж ббайгаа юм байна. Праг хотын амьтны хүрээлэнгийн зохион байгуулсан уг арга хэмжээний үеэр Говийн дархан цаазат газрын Б хэсэг дэх байгаль хамгаалагчдад шинэ бартаат замын тээврийн хэрэгсэл болон мотоцикл хүлээлгэн өгөх ажиллагаа болох юм байна.