АНУ-ын компаниуд болон Хятадын ухаалаг гар утас үйлдвэрлэдэг “HUAWEI” компанийн хооронд худалдааны маргаан өрнөөд байгаа билээ. Энэхүү тэмцлийн үр дүнд”HUAWEI” компани SD карт ашиглах боломжгүй болжээ.
Саяхан Google компаниас Android үйлдлийн систем ашиглах лицензээ цуцлуулаад байсан “HUAWEI” компани SD, microSD картын стандарт тогтоодог “SD Association” компанийн гишүүний эрхээ хасуулжээ. Ингэснээр тус компани цаашид үйлдвэрлэх ухаалаг гар утас, зөөврийн компьютертээ SD, microSD картын стандартыг ашиглах боломжгүй болж байгаа юм.
Харин “HUAWEI” компанийн нэгэнт үйлдвэрлэгдчихсэн, хэрэглэгчдийн гар дээр байгаа бүтээгдэхүүнүүдийн SD, microSD карт хэвийн ажиллах юм. Гэхдээ энэхүү хориг нь тус компанийн хувьд Android үйлдлийн системийн лицензийг алдсанаас харьцангуй жижиг асуудал хэмээн үзэж байгаа аж.