“FIBA 3×3 U18” насны сагсан бөмбөгийн ДАШТ ирэх сарын 3-наас 7-ны өдрүүдэд Д.Сүхбаатарын талбайд болно. Олимпийн төрлийн багийн спортын ДАШТ анх удаа Монголд болох гэж байгаа нь энэ юм. Монголын талаас ч уг тэмцээний бэлтгэл ажлыг эрчимтэй хийж байгаа. “FIBA 3×3 U18” насны ангиллын сагсан бөмбөгийн ДАШТ-д ОХУ, АНУ, Франц, Латви, Аргентина зэрэг 30 гаран улсын эрэгтэй, эмэгтэй шилдэг 40 багийн 160 тамирчин өрсөлдөх юм. Монголыг төлөөлөн эрэгтэй, эмэгтэй багууд оролцоно. Манай эрэгтэй багийн хувьд АНУ, Латви, Гүрж, Беларусын багуудтай тэмцээний “С” хэсэгт багтсан бөгөөд эмэгтэй баг Франц, Недерланд, Филиппин, Чех улсын багуудтай нэг хэсэгт оржээ.