Кенийн нийслэл Найроби хотноо тавдугаар сарын 27-31-ний хооронд НҮБ-Хабитатын анхдугаар бага хурал болно. “Хот, хорооллын амьдралын нөхцөл байдлыг шинэчлэн сайжруулах” сэдэв дор болох уг хуралд 100 гаруй орны 3000 гаруй төлөөлөгчид оролцох юм байна. НҮБ-ын ерөнхий нарийн бичгийн даргын орлогч, НҮБ-Хабибатын гүйцэтгэх захирал Маймуна Мохд Шариф “Хурлын төлөөлөгчид тогтвортой хөгжлийг хангах хотжилтын үйл явцын талаар санал санаачилга дэвшүүлэх юм” хэмээн онцолжээ.
НҮБ-Хабитат нь илүү сайн хот суурингийн ирээдүйн төлөө ажиллах зорилготой НҮБ-ын амьдрах орчны хөтөлбөр юм байна. Энэхүү зорилгын хүрээнд нийгэм, байгаль орчинд ээлтэй, хүн амын суурьшлын хөгжлийг дэмжих чиглэлээр үйл ажиллагааг явуулдаг аж.