Ардчилсан намаас үзэл баримтлалаа орон даяар сурталчлан таниулах, түгээн дэлгэрүүлэх зорилгоор үндэсний хэмжээний аяныг эхлүүлэхэд бэлэн болжээ. Аяны нээлт өнөөдөр /2019.05.17/ “Блю скай” зочид буудлын хурлын танхимд болсон бөгөөд АН-ын дарга С.Эрдэнэ, дэд дарга З.Нарантуяа, Г.Батхүү, Б.Дэлгэрмаа, нийслэлийн АН-ын дарга Д.Баттулга нарын хүмүүс оролцож, аяны талаарх мэдээллийг өгсөн юм. Ардчилсан намын суурь зарчим, тулгуур бодлого болох үзэл баримтлалыг орон даяар сурталчлах аяны хүрээнд 21 аймаг, нийслэлийн есөн есөн дүүрэгт уулзалт зохион байгуулахаар төлөвлөжээ.