Чөлөөт бөхийн 2019 оны Монгол Улсын залуучуудын аварга шалгаруулах тэмцээн тавдугаар сарын 23-25-нд Архангай аймгийн төв Цэцэрлэг хотод болно. Тус тэмцээний ерөнхий ивээн тэтгэгчээр Арж групп, Архангай аймгийн чөлөөт бөхийн холбоо, Архангай аймгийн Биеийн тамир спортын газар сонгогдсон бол тэмцээнийг МЧБХ болон аймгийн ЧБХ хамтран зохион байгуулна. Дэлхийн бөхийн нэгдсэн холбооны дүрмийн дагуу их онооны системээр дүгнэх энэ тэмцээнд 18-20 насны эрэгтэй, эмэгтэй тус бүр 10 жинд аваргаа шалгаруулна. Жин тус бүрийн эхний 10 байранд шалгарсан тамирчинд 25-2 оноо өгөх юм. Монгол Улсын залуучуудын 2019 оны аваргаар шалгарсан тамирчдаас Ази тивийн болон ДЗАШТ-д оролцох тамирчдыг сонгон шалгаруулна.