Монголын хөлбөмбөгийн 19 хүртэлх насны охидын шигшээ баг Тажикстаны шигшээ багтай /2019.04.23/ тоглож 3:0-ээр илүүрхэн хожлоо. Охидын шигшээ багийн ахлагч Т.Ундрал тоглолт эхлээд ердѳѳ 13 минут өнгөрч байхад Т.Лорагийн гүйцэтгэсэн булангийн цохилтыг гоол болгож, багтаа тэргүүллийг авч ирсэн. Дараагийн оноог Монголын эмэгтэйчүүдийн үндэсний шигшээ болон 16, 19 хүртэлх насны охидын шигшээ багийн шилдэг хагас хамгаалагч Э.Энхмаргад авж, тооны харьцааг 2:0 болгон холдуулжээ.
Охидын шигшээ баг япон дасгалжуулагч Рио Наоко Кавамотогийн удирдлага дор Бангладеш улсад “Bangamata U19 Womens International Gold Cup 2019” тэмцээнд анх удаа оролцож ийнхүү амжилт үзүүллээ.