Чөлөөт бөхийн насанд хүрэгчдийн Ази тивийн аварга шалгаруулах тэмцээн БНХАУ-ын Шиан хотноо өнөөдөр эхэллээ. Өнөөдөр эрэгтэйчүүдийн 57, 65, 70, 79, 97 кг-ын жингийн барилдаан болж байна. Манай бөхчүүд хэрхэн барилдаж байгааг жин тус бүрээр танилцуулъя. 57 кг. Н.Насанбуян хоёрдугаар тойрогт Узбекистаны Махомуджон Шавкатовтой барилдаж,
7:2-оор хожигдлоо. Узбек бөх дараа нь хожигдсон тул манай бөхөд дагах боломж гарсангүй.
65 кг. ОУХМ Т.Тулга эхний даваанд Японы бөх Коки Шимизүд 4:4 сүүлийн оногоор хожигдлоо. Япон бөх дараа нь Узбекийн бөхөд ялагдсан тул манай бөхийн тэмцээн дууссан.
70 кг. Э.Тэмүүлэн эхний даваанд олимп, ДАШТ-ий медальт Ихтиор Наврузовыг оноогоор цэвэр хожсон. Хоёрдугаар тойрогт ирантай барилдаж 12:2 оноогоор цэвэр хожигдлоо. Иран дараа нь Японы бөхөд мөн 12:2 хожигдсон тул манай бөхийн тэмээн дуусав.
79 кг. Д.Төгс-Эрдэнэ эхний тойрогт Энэтхэгийн Парвен Ранад 2:6 хожигдсон.
97 кг. ОУХМ Ө.Батзул хагас шигшээд БНХАУ-ын Гао Хаобиныг 10:0 оноогоор цэвэр хожиж, алтан медалийн төлөө барилдахаар болов. Өрсөлдөгч нь Ираны бөх Реза Али Яздани.