УИХ дахь МАН-ын бүлгийн өнөөдрийн хуралдаанаар Засгийн газрын 2016-2020 оны мөрийн хөтөлбөрийн хэрэгжилтийг хэлэлцжээ. Засгийн газраас 2016-2018 оны мөрийн хөтөлбөрийн биелэлтээ 3-р сарын 28-нд УИХ-д өргөн мэдүүлсэн юм. МАН-ын бүлгээс Засгийн газрын мөрийн хөтөлбөрийг хэрэгжилтэд дүгнэлт хийх, 2019-2020 онд анхаарах ажлуудын талаар чиглэл боловсруулах ажлын баг гаргахаар шийдвэрлэсэн байна. Энэ талаар УИХ-ын гишүүн, МАН-ын бүлгийн дарга Д.Тогтохсүрэн, “Засгийн газраас мөрийн хөтөлбөрөө 50.5 хувийн биелэлттэй байна гэж дүгнэсэн байна. Мөрийн хөтөлбөрийн хэрэгжилтээ тодорхойлохдоо ажил нь эхэлсэн ч бүрэн дуусаагүй л бол хэрэгжилтийг тэг хувиар дүгнэсэн. Цаашдаа нийслэлийн агаарын бохирдол, автозамын түгжрэлийг бууруулах, томоохон төслүүдийг эхлүүлэх, Үндсэн хуулийн нэмэлт, өөрчлөлтийн төсөл зэрэг олон асуудалд анхаарах шаардлагатай байна” гэв.