Мали улсын Ерөнхий сайд Сумейлу Бубейе Маига тэргүүтэй Засгийн газар өнгөрсөн сард болсон угсаатан хоорондын мөргөлдөөнөөс болж огцорлоо. Энэ улсын Ерөнхийлөгч Ибрагим Бубакар Кейта Ерөнхий сайд болон түүний Засгийн газрыг огцрох шийдвэрийг хүлээн авсан байна.
Ерөнхийлөгч Ерөнхий сайд болон түүний Засгийн газрын гишүүдэд хийж хэрэгжүүлж байсан ажлуудад нь талархал илэрхийлсэн байна. Түүнчлэн улс төрийн бүх хүчний төлөөлөгчидтэй зөвшилцсөний дараа шинэ Ерөнхий сайдын нэрийг ойрын хугацаанд зарлана гэжээ.
Мали улсын Засгийн газар хэдхэн долоо хоногийн өмнө Мопти мужийн суурингуудад халдлага гарч, 134 хүн амиа алдсан харамсалтай хэрэг гарсан юм. Мэдээллээс үзэхэд, зэвсэглэсэн этгээдүүд Огассагу, Велингара суурингийн фулани угсаатан малчид руу дайрсан байна. Үүнтэй холбогдуулан НҮБ-ын Мали улсыг тогтворжуулах Олон талт цогц төлөөлөгчийн газраас Мали улсын суурингуудад гарсан халдлагыг хурдан дарах хүч илгээсэн байна.
Мали улсын Ерөнхийлөгч өмнө нь Армийн ерөнхий штабын тэргүүнийг огцруулж, шинэ хүн томилсон билээ.