Ерөнхийлөгч Х.Баттулга өнөөдөр чуулганы үдээс хойшхи хуралдаанд хаалттай мэдээлэл хийнэ. Тодруулбал, ҮАБЗ-ийн хуралдааны талаар мэдээлэл хийх аж.
Ерөнхийлөгч жилд нэг удаа ҮАБЗ-ийн асуудлаар УИХ-ын чуулганд хаалттай мэдээлэл хийдэг уламжлалтай. Өнгөрсөн намар энэхүү асуудлаар мэдээлэл хийх байсан ч УИХ-ын чуулганы хуралдаан хуралдаж чадахгүй, ирц бүрдэхгүй байсаар намрын чуулган хаалтаа хийсэн. Тиймээс энэ удаа хийхээр болжээ.
Мөн Оюутолгойн гэрээг дүгнэх ажлын хэсгийн дүгнэлтийг ҮАБЗ-д хүргүүлсэнтэй холбогдуулан ажлын хэсгийн дүгнэлтийг ч хаалттай хуралдаанаар хэлэлцэж магадгүй бололтой.