Онцгой байдлын Мэдээлэл шуурхай удирдлагын төвд 15:17 цагт Богд уулын Хийморийн овоо орчимд гал гарлаа гэсэн дуудлага иржээ. Дуудлагын дагуу Хан-Уул дүүргийн онцгой байдлын хэлтсээс аврах 14-р анги, нэмэлтээр аврах 18-р анги, нийслэлийн аврах анги нийт 30 хүний бүрэлдэхүүнтэй 8 автомашин ажиллаж байгаа бөгөөд 3-4 га талбай түймэрт өртсөн байна. Гал гарсан шалтгаан одоогоор тодорхойгүй байгаа боловч иргэдийн санамсар болгоомжгүй байдлаас үүдэлтэй хэмээн урьдчилсан байдлаар дүгнээд байна.