БНАСАУ-ыг үүсгэн байгуулагч Ким Ир Сены мэндэлсний 107 жилийн ойг тус улсад тэмдэглэж байна. Дөрөвдүгээр сарын 15-нд “Мөнхийн ерөнхийлөгч” Ким Ир Сений дурсгалд зориулж, “Нарны өдөр” баярыг жил бүр өргөн дэлгэр тэмдэглэдэг. БНАСАУ-ын нийслэл Пхеньян болон бусад хотод байх дурсгалын цогцолборуудад уг баярын арга хэмжээг тэмдэглэж байна. Нийслэл хотод гол арга хэмжээг Мансудэ гэх өндөрлөгт зохион байгуулах аж. Энэ өндөрлөгт Ким Ир Сен, Ким Чен Ир нарын аварга том хүрэл хөшөө байдаг бөгөөд хоёр удирдагчийн шарилыг шилэн хоргонд хадгалж буй Кымсусан цогцолборын Нарны ордонд бас нэгэн том арга хэмжээ болно. Нийслэл Пхеньян хотод баярын олон арга хэмжээг өнөөдөр бүтэн өдрийн турш зохион байгуулах ажээ.