Иргэдэд очих ёстой байсан Жижиг, дунд үйлдвэрийг хөгжүүлэх сангийн (ЖДҮХС) зээлээс төрийн өндөр албан тушаалтнууд нэн хөнгөлөлттэй нөхцөлөөр авдаг талаар баримтууд дэлгэгдэж, АТГ-т шалгагдаад дуусав. Нэр бүхий хүмүүсийн дотор Монгол Улсын Ерөнхий прокурорын орлогч, Төрийн хууль цаазын шадар зөвлөх Б.Амгаланбаатарын 100 хувийн эзэмшлийн “Цаст согоот” ХХК 2017, 2018 онд хоёр жил дараалан ЖДҮХС-аас зээл авсан байгаа юм. Тэрбээр түүний “Цаст согоот” ХХК 2017 онд ЖДҮХС-аас зээл авсан компаниудын нэрсийн жагсаалтын 95 дугаарт, 2018 онд ЖДҮХС-аас зээл авсан компаниудын 112 дугаарт байсан юм. Монгол Улсын Ерөнхий прокурорын орлогч, Төрийн хууль цаазын шадар зөвлөх Б.Амгаланбаатар хамгийн сүүлд гаргасан ХОМ-тээ “Цаст согоот” компанийг 100 хувь эзэмшдэг аж. Тэгвэл энэхүү зээл авсан компанийнх нь хэргийг хаах саналтайгаар АТГ-аас прокурорын байгууллагад шилжүүлжээ.