АНУ-ын хар тамхитай тэмцэх албаны гадаад сургалтын хэлтсийн багш нар манай улсын хар тамхитай тэмцэх чиглэлийн цагдаа, прокурорын мэдлэг ур чадварыг дээшлүүлэхээр энэ сарын 08-12-нд сургалт заав.
Сургалтын төгсгөлд ЦЕГ-ын Захиргааны удирдлагын газрын дарга, хурандаа Б.Бат-Өлзий, Хар тамхитай тэмцэх газрын дарга, хурандаа Ж.Эрдэнэболд болон АНУ-ын хар тамхитай тэмцэх албаныхан хар тамхитай тэмцэх чиглэлээр мэргэшсэн алба хаагчдад сертификат гардууллаа.
Монгол Улсын цагдаагийн байгууллага, Америкийн Нэгдсэн Улсын Хар тамхитай тэмцэх алба хоорондын хамтын ажиллагааны хүрээнд энэхүү сургалтыг анх удаа зохион байгуулж байгаа бөгөөд цаашид Монгол Улсын цагдаагийн байгууллагын хар тамхитай тэмцэх чиг үүрэг бүхий алба хаагчдын мэдлэг чадварыг дээшлүүлэх хамтын ажиллагааны эхлэл юм.
Сүүлийн жилүүдэд манай улсад хар тамхитай холбоотой гэмт хэргийн гаралт өсч, хэрэглэгчийн хүрээ улам бүр нэмэгдэж байгаа тул алба хаагчдыг мэргэшүүлэх зайлшгүй хэрэгцээ шаардлага дээр тулгуурлан энэхүү сургалт үр дүнтэй байв.