УИХ-ын гишүүн Ж.Бат-Эрдэнэ :
-Үндэсний үйлдвэрлэгчийг дэмжинэ гэдгийг маш олон хүн хэлээд байна. Гэтэл яг яаж дэмжих вэ гэдэг нь тодорхойгүй байх шиг байна. Тендерийн үнэлгээний хороонд мэргэжлийн баг оруулж ирж байгаа гэх юм. Яг үүнийгээ хуульд тодорхой тусгасан юм уу. Мөн хамгийн бага үнэ санал болгож байгаа нь тендерт шалгарах үндэслэл болохгүй гэж байна. Хамгийн бага үнэ гэдгээ тодорхойлж хуулийн заалт болгоогүй байна.
Ажлын хэсгийн дарга Д.Оюунхорол:
-Дотоодын үйлдвэрлэлийг дэмжихийн тулд импортын барааны тендерт багцлахгүй болсон. Энэ нь дотоодын ААН-үүдийг дэмжсэн нэлээн том бодлого болсон гэж ойлгож байгаа. Энэ хуулийг маш сайн уншаад, судлаад үзвэл маш сайн өөрчлөлтүүд орж ирсэн. Тендерийн үнэлгээний багийг мэргэжлийн холбоод, төрийн бус байгууллага, мэргэжлийн эрдэмтэн судлаачдыг бүрэлдэхүүний 50 хувьд хүргэж оруулна гэсэн заалт оруулсан.
УИХ-ын гишүүн Ц.Цогзолмаа:
-Цахимаар ил тод болгож байгаа нь олон нийтэд өндөр хүлээлт үүсгэж байгаа. Иймд цахимаар явуулах асуудлын эрх зүйн зохицуулалтыг хэрхэн хийж өгсөн бэ. Үнийн зохицуулалтын валютын ханштай хэрхэн уялдуулахаар шийдвэрлэсэн бэ. Төрийн албан хаагчиддаа яаж хариуцлага тооцох вэ.
Ажлын хэсгийн дарга Д.Оюунхорол:
-Нэгдүгээрт дотоодын үйлдвэрлэлээ дэмжих тал дээр голлон анхаарсан. Цахимаар худалдан авах ажиллагааг оруулж ирснээр ил тод байдал нэмэгдэж, шударга Байгаль орчинд ээлттэй Хамгийн сайн үнэлэгдсэн тендерийн чанар техникийн үнэлэлт үнэлгээгээр одоогийн хуулиар хамгийн бага үнийн санал хэлсэн компанийг шалгаруулах хэвээр байна. Эрүүгийн шинж чанартай, ашиг сонирхлыг зөрчил гаргасан нь хуулиар тогтоогдвол зохих шийтгэл эдлүүлэх хуулийн заалт орсон.
УИХ-ын гишүүн С.Эрдэнэ:
-Тендерийн будлиан маргаантай асуудлаас болж улсын бүтээн байгуулалтын асуудал маш ихээр тасалддаг. Гүйцэтгэл нь үзүүлэлт муутай гардаг. Үүний шалтгаан нь тендер шалгаруулалттай холбоотойгоор үүддэг. 2018 оны нийт хөрөнгө оруулалтын 70 орчим хувь будлиантай гарсан. Тендер шалгаруулалтын хугацааг хуульчилж өгч болохгүй юу?
Ажлын хэсгийн дарга Д.Оюунхорол
-Тендерийн будлиан маргаантай асуудлаас болж улсын бүтээн байгуулалтын асуудал тасалддаг гэдэгтэй 100 хувь санал нэг байна. Тендер сонгон шалгаруулалтад үнэлэгээний хорооны гишүүдийн асуудал их чухал байна. Тендерийн сонгон шалгаруулалтад орох эрдэмтэн судлаачдын баг бүрдүүлэх нь чухал байна.
УИХ-ын гишүүн С.Бямбацогт:
-Хар жагсаалтын асуудлыг энэ хуулинд яг хэрхэн оруулж ирж байгаа юм бэ. Төрийн алба хаагчид тендер шалгаруулахдаа ноцтой зөрчил гаргадаг. Үүнийг зөрчлийг хуулиар арилгачихсан гэж ярьж байна. Гэвч энэ хангалтгүй. Энэхүү асуудлыг яг яаж хуульчилж байгаа юм бэ?
-Сангийн сайд Ч.Хүрэлбаатар:
-Орон нутагт ажил гүйцэтгэх компани шалгардаг ч хяналтыг нь Улаанбаатараас хийдэг асуудал түгээмэл байдаг.
-СЯ-ны Хууль эрх зүйн газрын дарга З.Энхболд:
-Энэ хуулинд хар жагсаалтыг сэргээж хөтлөх асуудлыг дахин оруулж ирсэн. Тендер шалгаруулалттай холбоотой гомдол маргааныг шүүхэд 2017 онд 38, 2018 онд 68 гаргасан.