Улаанбурхан өвчин гадаад улсаас зөөвөрлөгдөж ирсэн тохиолдол өнгөрөгч пүрэв гарагт бүртгэгдсэн.Өмнөговь аймгийн Ханбогд суман дахь Оюутолгой компанид Энэтхэг улсаас ажиллахаар ирсэн хүнээс өвчний шинж тэмдэг илэрч, тусгаарлаад байгаа юм.
Уг өвчин халдвар өндөртэй бөгөөд дархлаа султай, архаг хууч өвчтэй, тэжээлийн доройтолтой, тураалтай, хөхөөр хооллодоггүй 0-4 насны хүүхдүүд өвчлөх өндөр магадлалтай байдаг.
Улаанбурхан өвчний онцгой шинж тэмдэг:
-Хүүхэд өндөр халуурч, хүүхдийн нүд нуухтаж, тууралт өгөх
-Хоолой боогдож амьсгалын дутагдалд амархан орох
-Цаашид хүндэрвэл хараагүй болох, дүлийрэх, тагнай цоорох зэрэг эрсдэлтэй.
Иймд Эрүүл мэндийн яамнаас:
-Товлолын вакциныг заавал хийлгэх, хоцорсон эсвэл огт хийлгээгүй бол нөхөн хийлгэх!
– Вакцины насанд хүрээгүй хүүхдийг олон нийтийн газар авч явахгүй байх
– Шинж тэмдэг илэрвэл дур мэдэн эмчлэхгүйгээр, яаралтай эмчид хандахыг зөвлөж байна.