Синьхуа агентлаг “Sogou”-ийн технологийн багийнхантай хамтран хиймэл оюун ухаант эмэгтэй нэвтрүүлэгчийг бүтээсэн талаар мэдээлж байсан билээ. Бодит хүний дуу хоолойг ашиглан бүтээсэн тус төхөөрөмжинд Шин Сяомэн гэсэн нэр хайрлажээ. Өнгөрсөн даваа гаригт хиймэл оюун ухаант нэвтрүүлэгч анхныхаа мэдээг уншиж, олон нийтэд хүргэсэн байна. Дээрх агентлагийн онцолж буйгаар роботон хөтлөгчийн гол давуу тал нь ямар ч амралтгүйгээр, жилийн 365 хоног, 24 цагийн турш ажиллаж мэдээлэл түгээх боломжтой аж. Үүнээс гадна үйл ажиллагааны зардлыг ч хэмнэх гэнэ.