Өнгөрсөн оны жилийн эцсийн байдлаар, улсын хэмжээнд 27 төрлийн 42 мянган халдварт өвчний тохиолдол бүртгэгджээ. Ингэснээр 10 мянган хүн амд 132.4 ногдож байгаа юм. Түүнчлэн Улаанбаатар хотод 10 мянган хүн амд ногдох халдвар улсын дундаж үзүүлэлтээс өндөр байгаа гэнэ. Үүнд амьсгалын замын цочмог халдварт өвчний 13.122 тохиолдол бүртгэгдэж, нийт халдварт өвчний 31.2 хувийг эзэлж байгаа аж. Хүйтний эрч, цаашилж, урин цаг болохтой зэрэгцэн газар гэсэж, амьсгалын замын өвчүүд жилийн жилд нэмэгддэг. Тиймээс энэ дэгдэлтээс урьдчилаг сэргийлэх зорилгоор нийслэлийн Эрүүл мэндийн газраас дүүргийн эрүүл мэндийн төв, Ерөнхий боловсролын сургууль, цэцэрлэгийн эмч нартай хамтран менингококкийн халдварт өвчнөөс урьдчилан сэргийлэх үзлэг шинжилгээ хийсэн байна. Ингэхэд нийслэлийн Ерөнхий боловсролын 189 сургуулийн 108.756 хүүхдэд хамар залгиурын үрэвслийг илрүүлэх үзлэг шинжилгээг хийснээс 13031 үрэвсэлтэй хүүхэд, 304 цэцэрлэгийн 123.954 хүүхдийг үзлэг шинжилгээнд хамруулснаас хамар залгиурын үрэвсэлтэй 108.756 хүүхдийг оношилж, эмчилгээнд хамруулжээ.