УИХ-ын чуулганы нэгдсэн хуралдаанаар ЗТХ-ийн сайд Я.Содбаатарыг үүрэгт ажлаас нь чөлөөлөх асуудлыг хэлэлцлээ.
Ингээд ЗТХ-ын сайдыг чөлөөлөх эсэх талаар санал хураахад нийт 55 гишүүн оролцож, 69.1 хувийн саналаар ЗТХ-ийн сайд Я.Содбаатарыг чөлөөллөө.
Тэрээр “Зам тээвийн салбар бол том салбар. Хүлээгдэж байсан хэд хэдэн чухал ажил байсан. Салбарын мэргэжлийн хүмүүсээр төрийн албыг бэхжүүлэх ёстой. Тиймээс инженерүүд ажиллах ёстой гэдэг байр суурин дээр байсан. Салбарын хуулиуд сүүлийн 10 жил шинэчилсэн найруулгаар ороогүй. Эдгээр хуулиудыг хаврын чуулганд шинэчилсэн найруулгаар оруулахаар бэлдэж байгаа. Намайг ажиллаж байх хугацаанд хэд хэдэн томоохон ажил хийгдсэн. 2020-2030 онд Улаанбаатар төмөр замын шинэчлэх том хөтөлбөр батлагдсан. Дөрөвдүгээр сарын 1-нээс эхлээд долоо хоног Солонгосын талаас нэг, Монголын талаас 11 нислэг хийдэг болох гэж байна. Онгоцны тийцийн үнэ бодитой буурах ажлуудыг хийсэн” гэлээ.