Монгол болон Эквадор улсын иргэд харилцан визгүй зорчдог боллоо.
Тодруулбал, “Бүх төрлийн паспорт эзэмшигчдийг харилцан визийн шаардлагаас чөлөөлөх тухай Монгол Улс, Бүгд Найрамдах Эквадор Улсын Засгийн газар хоорондын ноот бичиг”-ийг баталжээ. Ингэснээр хоёр улсын иргэд 90 хүртэл хоног харилцан визгүй, түүний дотор манай иргэд Өмнөд Америкийн долоон улсад визгүй зорчих боломжтой болсон талаар Засгийн газрын хэвлэл мэдээллийн албанаас мэдээллээ.