Санал хураалтын дүн гарч С.Мөнхчулуун хотыг удирдахаар боллоо. Санал хураалтад нийт 43 төлөөлөгч оролцсоноос 24 нь буюу 55.8 хувийн санал С.Мөнхчулуунд, 16 нь С.Амарсайханд итгэл үзүүлсэн байв. НИТХ-д оролцсон төлөөлөгчид Ерөнхий сайдад танилцуулах тогтоолыг дэмжлээ. Уг тогтоол нь НИТХ-наас олонхийн саналаар нийслэлийн Засаг дарга бөгөөд Улаанбаатар хотын захирагчаар С.Мөнхчулууныг сонгосон тухай тогтоол бөгөөд НИТХ шийдвэрээ Ерөнхий сайдад танилцуулж түүнийг Засаг даргаар батламжлуулна. Ерөнхий сайд батламжилснаар нийслэлийн Засаг дарга бөгөөд Улаанбаатар хотын захирагчаар томилогдсонд тооцох юм.
С.Мөнхчулуун нь 1997- 2001 онд Техникийн их сургуулийг механик инженер, 2011- 2013 онд Удирдлагын академийг Төрийн удирдлагын магистр, 2015 оноос Удирдлагын академийн Төрийн удирдлагын докторант.
- 2009- 2010 Нийслэлийн Өмчийн харилцааны газар, Бүртгэлийн мэргэжилтэн
- 2010- 2012 Нийслэлийн Өмчийн харилцааны газар, Төр, хувийн хэвшлийн түншлэл, концессын хэлтсийн дарга
- 2012- 2016 Сонгинохайрхан дүүргийн Засаг даргын Тамгын газрын дарга
- 2008-2009 СХД-ийн МАХН-ын хорооны дэд дарга
- 2016 оноос Нийслэлийн Намын хорооны гишүүн
- 2016 оноос МАН ын Бага хурлын гишүүн
- 2016 оноос Нийслэлийн МАН-ын хорооны гишүүн
- 2016 оноос Нийслэлийн МАН-ын хорооны дэд дарга
- 2016 онд МАН-аас нэр дэвшиж, Нийслэлийн Иргэдийн Төлөөлөгчдийн Хуралд Төлөөлөгчөөр,
- 2016 оноос НИТХ-ын Тэргүүлэгчээр тус тус сонгогдсон
- 2016 НИТХ-ын Хууль зүй, төрийн байгуулалтын хорооны дарга
- 2016 оны 12 сараас 2018 оны 12 сар хүртэл НИТХ дах МАН-ын бүлгийн даргаар ажиллаж байсан.