Хуваарийн дагуу өнөөдөр МАН-ын бүлэг хуралдах ёстой. Гэвч намын бүлэг хуралдсангүй. Өнгөрсөн долоо хоногт чуулганы хуралдаан эхлэхийн өмнө УИХ дахь МАН-ын бүлгийн дарга Д.Тогтохсүрэн “Гишүүдийн зарим нь хөдөө орон нутагт ажиллаж байгаа учир ээлжит хуваарийн дагуу даваа гарагт намын бүлгийн хуралдаан болно. Ирэх долоо хоногийн нэг дэх өдрийг хүртэл чуулганы нэгдсэн хуралдааныг хойшлуулж өгнө үү” гэх санал гаргасан. Гэвч гишүүдийн ирц хүрээгүй гэдэг шалтгаанаар өнөөдрийн бүлгийн хуралдааныг цуцлав.