Хөдөлмөр эрхлэлтийн байгууллагад ажил хайж бүртгүүлсэн иргэдийн тоо өнгөрсөн жилийн эцсийн байдлаар 35 мянгад хүрээд байсан. Үүний 60 гаруй хувь нь бүртгэлтэй ажилгүй иргэд юм.
Тэгвэл Эдийн засгийн бодлогын өрсөлдөх чадварын судалгааны төвөөс гаргасан Аймгуудын өрсөлдөх чадварын тайлан гаргахдаа орон нутагт хөдөлмөр эрхлэлтийн судалгаа явуулжээ. Өөрөөр хэлбэл, 21 аймгийг хөдөлмөрийн насны 100 хүнд ногдох ажилгүйчүүдийн тоогоор эрэмбэлсэн байна.
Ингэхэд Орхон аймагт 14 хүн буюу хөдөлмөр эрхлэлтийн түвшин муу гарсан байна. Харин Төв аймагт хамгийн сайн буюу хөдөлмөрийн насны 100 хүн тутамд ажилгүй хоёр хүн байжээ. Түүнчлэн Дорноговь, Архангай, Хөвсгөл, Сэлэнгэд хөдөлмөр эрхлэлт сайн байсан бол Увс, Ховд, Өмнөговь, Говьсүмбэрт тааруу дүнтэй гарчээ.