Улсын төсвийн хөрөнгө оруулалтаар Баянзүрх дүүргийн 27 Өрхийн эрүүл мэндийн төвд нэн шаардлагатай нийт 3 төрлийн 81 ширхэг тоног төхөөрөмжийг өнөөдөр Эрүүл мэндийн сайд Д.Сарангэрэл, НЭМГ-ын дарга Л.Төмөрбаатар нар, ӨЭМТ-ийн төлөөлөл гардуулж өглөө.
Нярайн шарлалт хэмжигч, ургийн зүрхний цохилт, хөдөлгөөн хэмжих аппаратууд нь ӨЭМТ-д нэн шаардлагатай тоног төхөөрөмүүд бөгөөд иргэдэд эмнэлгийн тусламж үйлчилгээг хүргэхэд нэр төрөл нэмэгдэж, жирэмсэн эх, төрсөн нярайн эмгэгийг эрт оношлох боломжтой болж байна.